Halò à Eadailt

[Bianca]

Halò a huile duine!
'S mise Bianca, tha mi sia air fichead bliadhna dh'aois agus tha mi à Eadailt. Tha mi sgrìobhadair agus eadar-theangair; is toil leam fantastachd litreachas agus neo-fhicsean.
Tha mi ag ionnsachadh Gàidhlig a chionn tha mi airson Gàidhlig eadar-theangaich. A bheil can agaibh leabhraichean furasta a tha leugh agam?
Tha mi toilichte ur coinneachadh !
Bianca

[Mairead]

Fàilte!

[Màiri na Coille]

Fàilte dhan Fhòram, a Bhianca!

[poor_mouse]

Hallo dhut às an Ruis, a Bhianca!
Tha mi beagan nas sine na thusa (leth cheud 's a dhà de dh'aois, leis an fhìrinn innse ); agus chan eil mi nam eadar-theangadair phroifeiseanta, ach tha mi ag eadar-theangachadh na bàrdachd Bheurla agus Ghàidhlig gu Ruisis.

Seall an-siud; cheannaich mise an leabhar seo an-uiridh agus chan eil e dona nam bheachd.

An do leugh thu Litrichean do Luchd-Ionnsachaidh? Faodaidh tu na litrichean èisteachd agus a leughadh.

[faoileag]

Halò, Bianca.
Fàilte ort an seo!

[Bianca]

Tapad leibh a huile duine:D!

Tha an leabhar iomad leam thig ri càil! Tha mi eòlach air Tim Armstrong, sgrìobh e ficsean saidheansail. A bheil sibh an leabhar a' tuigsinn?
Agus tapad leibh air làrach-lìn

[poor_mouse]

'S e do bheatha!

Cha robh na sgeulachdan san leabhar sin glè fhurasta dhomh, ach thuig mi leis An Fhaclair Bheag iad.

[Seonaidh]

Haidh Fhionnghal! - Hello Fenella! Uill, chan eil mi cinnteach air "Bianca" sa Ghàidhlig ach 's dòcha gun dèan seo an gnothach.

Mhothaich mi nach eil duine sam bith air ceartachadh a dhèanamh air do Ghàidhlig. Am bu toil leat sin fhaicinn?
I noticed that nobody's corrected your Gaelic. Would you like to see that?

[Bianca]

Haaahaha, saoilidh mi gun tha an t-eadar-theangachadh aca ceart. Tha “Bianca” a' ciallaich “craiceann geal.”

Tha, tapadh leibh! Eadar dà sgeul, chan eil mi a' tuigsinn an tràth caithte. A bheil e a' sèimhich gnìomhair?

[GunChleoc]

Seadh, nì thu sèimheachadh air an tràth caithte agus sin agad e. Cuiridh tu "do" ris cuideachd an dèidh cha, gun, nach, am, ...

Seall an-seo: http://www.foramnagaidhlig.net/index.php?page=142

Ceartachadh no dhà:

Halò a h-uile duine!
'S mise Bianca, tha mi sia air fichead bliadhna a dh'aois agus tha mi às an Eadailt. 'S e sgrìobhadair agus eadar-theangair a th' annam; is toil leam litreachas fantastachd agus neo-fhicsean.
Tha mi ag ionnsachadh Gàidhlig a chionn 's gu bheil mi airson Gàidhlig eadar-theangachadh. A bheil sibh eòlach air leabhraichean furasta as urrainn dhomh leughadh?
Tha mi toilichte ur coinneachadh !
Bianca