Freeciv - a' chiad fhìor gheama sa Ghàidhlig
Posted: Wed Aug 17, 2011 12:54 am
'S ann le toileachas a tha Akerbeltz a' toirt dhuibh preusant eile, rud spòrsail, aotram èibhinn an triops seo, ged as urrainn dhuibh a chluich làn da-rìreadh cuideachd. 'S e Freeciv an t-ainm a tha air, tha e saor an-asgaidh ach taitneach a dh'aindeoin sin. Ma tha cuimhne agaibh air Civilisation le Sid Meier air an robh fèill mhòr bliadhnaichean air ais, well, 's ann air còd a' gheama sin a tha Freeciv stèidhichte agus chaidh a leasachadh on àm sin. No, mur eil sibh eòlach air, tha e car coltach ri Age of Empires cuideachd; geama coimpiutar ro-innleachdail.
'S urrainn dhut a chluich an aghaidh na h-Inntinne Fhuadain air neo air an lìonra an aghaidh dhaoine eile. Bidh thu 'na cheannard os cionn treubh ann an Linn na Cloiche agus feumaidh tu fàs a thoirt air an treubh seo gus am bi e 'na shìobhaltas mòr, cumhachdach. Cha robh roghnadh is taghadh mòr ann an Civilisation a thaobh nan nàiseanan ach tha na dusanan dhiubh ann am Freeciv, eadar seann sluagh Etruria is muinntir Mars! Chan eil Gàidheil na h-Alba ann mar nàisean - cha robh an tìde agam ach bidh sin ann san ath tionndadh. Ach tha Èireannaich, Albannaich is Cuimrich ann as urrainn dhut a chluich.
Nise, mus innis mi dhuibh far am faigh sibh e, feumaidh mi treòir bheag a thoirt dhuibh, oir ma ruitheas tu an geama mar a tha e, bidh e ann am Beurla:
Ged a tha an luchd-leasachaidh ag obair air dòigh nas fhearr, tha an dòigh air a dh’atharraicheas tu an cànan car neònach air siostaman Windows. Seo dhut treòir bheag air sgàth sin. Mìle taing do Níall airson an dòigh seo a tha fada nas fhasa na bha againn roimhe! Ach faic am post aig GunChleoc gu h-ìosal ma nì Vista gearan nach eil Admin Rights agad.
1) Faighibh am faidhle 's stàlaich an geama le gach roghainn ann mar a tha e. Mar is trice, cuiridh Windows e fo Program Files agus tha sin ceart gu leòr.
2) Briogaibh air Start rachaibh ann far a bheil Freeciv agus dèanaibh briogadh deas far a bheil e ag radh Freeciv ri taobh na cruinne agus an uairsin briogadh clì air Properties.
3) Fosglaidh sin uinneag bheag agus chì thu gu bheil auto aig deireadh na loidhne Target.
4) Cuiribh a-steach gd an àite auto, innsidh seo dhan choimpiutair gu bheil sibh ag iarraidh Gàidhlig:
5) Briogaibh air OK agus ma thòisicheas sibh geama a-nis mar is àbhaist (slighe Start > Freeciv 2.3.0 (GTK+ client) > Freeciv agus briogadh clì) bidh e sa Ghàidhlig.
Tha e ag obair air Linux. Ged a tha an geama ag obair air Mac, cha do lorg sinn dòigh fhathast an cànan a chur gu Gàidhlig. Ma tha sibhse eòlach air dòigh, nach innis sibh dhuinn? Air neo bidh aig luchd Mac OS ri feitheamh gus an ath sgaoileadh, gu mì-fhortanach. Tha mi fìor dhuilich mi dhèidhinn seo.
Nise, cà 'm faigh sibh e? An-seo. Chì mi sa gheama sibh!
'S urrainn dhut a chluich an aghaidh na h-Inntinne Fhuadain air neo air an lìonra an aghaidh dhaoine eile. Bidh thu 'na cheannard os cionn treubh ann an Linn na Cloiche agus feumaidh tu fàs a thoirt air an treubh seo gus am bi e 'na shìobhaltas mòr, cumhachdach. Cha robh roghnadh is taghadh mòr ann an Civilisation a thaobh nan nàiseanan ach tha na dusanan dhiubh ann am Freeciv, eadar seann sluagh Etruria is muinntir Mars! Chan eil Gàidheil na h-Alba ann mar nàisean - cha robh an tìde agam ach bidh sin ann san ath tionndadh. Ach tha Èireannaich, Albannaich is Cuimrich ann as urrainn dhut a chluich.
Nise, mus innis mi dhuibh far am faigh sibh e, feumaidh mi treòir bheag a thoirt dhuibh, oir ma ruitheas tu an geama mar a tha e, bidh e ann am Beurla:
Ged a tha an luchd-leasachaidh ag obair air dòigh nas fhearr, tha an dòigh air a dh’atharraicheas tu an cànan car neònach air siostaman Windows. Seo dhut treòir bheag air sgàth sin. Mìle taing do Níall airson an dòigh seo a tha fada nas fhasa na bha againn roimhe! Ach faic am post aig GunChleoc gu h-ìosal ma nì Vista gearan nach eil Admin Rights agad.
1) Faighibh am faidhle 's stàlaich an geama le gach roghainn ann mar a tha e. Mar is trice, cuiridh Windows e fo Program Files agus tha sin ceart gu leòr.
2) Briogaibh air Start rachaibh ann far a bheil Freeciv agus dèanaibh briogadh deas far a bheil e ag radh Freeciv ri taobh na cruinne agus an uairsin briogadh clì air Properties.
3) Fosglaidh sin uinneag bheag agus chì thu gu bheil auto aig deireadh na loidhne Target.
4) Cuiribh a-steach gd an àite auto, innsidh seo dhan choimpiutair gu bheil sibh ag iarraidh Gàidhlig:
5) Briogaibh air OK agus ma thòisicheas sibh geama a-nis mar is àbhaist (slighe Start > Freeciv 2.3.0 (GTK+ client) > Freeciv agus briogadh clì) bidh e sa Ghàidhlig.
Tha e ag obair air Linux. Ged a tha an geama ag obair air Mac, cha do lorg sinn dòigh fhathast an cànan a chur gu Gàidhlig. Ma tha sibhse eòlach air dòigh, nach innis sibh dhuinn? Air neo bidh aig luchd Mac OS ri feitheamh gus an ath sgaoileadh, gu mì-fhortanach. Tha mi fìor dhuilich mi dhèidhinn seo.
Nise, cà 'm faigh sibh e? An-seo. Chì mi sa gheama sibh!