Microsoft Office 2013 ann an Gàidhlig
Posted: Fri Aug 02, 2013 5:53 pm
Ged a mholainn LibreOffice latha sam bith (tha e saor an-asgaidh, ann an Gàidhlig is tha dearbhair-litreachaidh Gàidhlig 'na bhroinn), tha fhios a'm gu bheil iomadh duine air Microsoft Office (fhathast). Tha sgioba de mhuncaidhean (mise os an cionn) air a bhith trang o shamhradh an-uiridh a' cur Gàidhlig air an rud agus rugadh e DiCiadain (cha do mhothaich mi dha ach an-diugh fhèin!)
Bheil e cosg dad? Chan eil, ma tha ceadachas airson Office 2013 agad mu thràth. Bheil e doirbh? Chan eil cus. Sa chiad dol a-mach, feumaidh sibh a' phacaid cànain a gheibh sibh an-seo. Mur eil sibh cinnteach an e siostam 64-bit no 86-bit a th' agaibh, faighibh greim air an dà dhiubh, tha sin nas luaithe na rùrachadh air an t-siostam. Cha dèan am fear cearr cron air a' choimpiutair, cha bhi buaidh idir. Nuair a bhios e agaibh, briogaibh air an exe agus leanaibh ris an stiùireadh air an sgrìn.
Nise, feumaidh sibh prògram Office fhosgladh, can Word agus tadhal air Files » Options » Language agus dèanamh cinnteach gu bheil Gàidhlig aig barr na liosta mar a chomharraich mi leis an dà shaighead dhearg:
Bidh agaibh ri Office a thòiseachadh as ùr an uairsin agus sin agaibh e. Cuiridh sin Gàidhlig air:
An dòchas gun dèan e feum dhuibh!
Bheil e cosg dad? Chan eil, ma tha ceadachas airson Office 2013 agad mu thràth. Bheil e doirbh? Chan eil cus. Sa chiad dol a-mach, feumaidh sibh a' phacaid cànain a gheibh sibh an-seo. Mur eil sibh cinnteach an e siostam 64-bit no 86-bit a th' agaibh, faighibh greim air an dà dhiubh, tha sin nas luaithe na rùrachadh air an t-siostam. Cha dèan am fear cearr cron air a' choimpiutair, cha bhi buaidh idir. Nuair a bhios e agaibh, briogaibh air an exe agus leanaibh ris an stiùireadh air an sgrìn.
Nise, feumaidh sibh prògram Office fhosgladh, can Word agus tadhal air Files » Options » Language agus dèanamh cinnteach gu bheil Gàidhlig aig barr na liosta mar a chomharraich mi leis an dà shaighead dhearg:
Bidh agaibh ri Office a thòiseachadh as ùr an uairsin agus sin agaibh e. Cuiridh sin Gàidhlig air:
- Excel 2013
- OneNote 2013
- Outlook 2013
- PowerPoint 2013
- Word 2013
An dòchas gun dèan e feum dhuibh!