Coimhearsnacdh Ghàidlig ùr? Coinneamh fhiosrachaidh

[Gràisg]

..

[GunChleoc]

Bhruidhinn iad mun choinneamh seo air Aithris na Maidne an-diugh.

[Gràisg]

’S e deagh choinneamh a bh’ ann. Bha feadhainn den bheachd gum bu chòir don leithid coimhearsnachd ùr a bhith taobh a steach Baile mòr Inbhir Nis (à la Shaw’s Rd Beal Feirste m.e.).
Thuirt Fhionnlaigh nach robh clann ann an Foghlam tro mheadhan na Gàidhlig ga cleachdadh taobh a-muigh na sgoile agus nach bhiodh ach ‘s docha aon as gach ceud dhiubh a’ bruidhinn gàidhlig dhan cuid cloinne san àm ri teachd. Mur a thèid tar-chur Gàidhlig san dachaidh ciamar a bhiodh fior dà-chànanachas air an t-suidheachadh? An e dìreach geama àireamhan a th’ ann an dràsta? Mar as àbhaist bha a chuid bheachdan a’ dol dhan teas meadhan suidheachadh na Gàidhlig an-diugh. ‘S e sin ri ràdh dè an dòigh as fheàrr gus coimhearsnachd Gàidhlig a’ togail oirnn taobh a-muigh na sgìrean traidiseanta? Ciamar a choileanas sinn ath-thilleadh gluasad cànain? Ach cha robh ach toiseachd tòisichidh a bh’ ann a-raoir agus bidh tuilleadh coinneamhan ann.

Saoilidh mi gum bu chòir do na h-ùghdarrasan Gàidhlig a bhith bruidhinn ri Fionnlagh mu dheidhinn a' phlan seo. Mar a thuirt cuideigin a tha ag obair airson buidhean Gàidhlig rium: ‘Chan eil Fionnlagh cho cracte ‘s a tha feadhainn a’ cumail a-mach.’

Mar a thuirt mi roimhe, Carson bu choir do mhonopalaidh a bhith aig duine no buidheann sam bith, gur math a thèid le Fionnlagh.

[neoni]

agus an tuirt e cò as a thigeadh an t-airgead a bhiodh a dhìth air?

[Gràisg]

Uill tha cuideigin deònach fearann a thoirt dhan iomairt, bhiodh sin feumail sa chiad dol a-mach.
Feumaidh aisling a bhith aig a h-uile fear againn nach feum? Am biodh ticead bus gu Athens a choileanadh do chuid aislingean a charaid?
Faisg air laimh an seo ann an Inbhir Narann gheibh thu dà choimhearsnachd a chaidh a thogail air adhbharan diofracithe. Ma dh'fhaoidte gum biodh sibh eòlach air 'The Findhorn Foundation', àite a thòisich ach le 3 caravans agus aisling, 's e coimhearsnachd a tha fhathast ann agus fada nas motha an dràsta. Thàinig an t-arigead leis an fheadhainn a bha deònach nan aislingean a chuir an gnìomh.
Tha àite eile air iomaill a bhaile far an deach coimhearsnachd eile a thogail, coimhearsnachd far a bheil clann mi-cheadaichte - seadh aite neonach ach chaidh a thogail. Firhall Village. Chan eil e do-dheante gus coimhearsnachd a thoghail, chan eil e mi-cheadaicte agus chan eil e mi-laghail agus tha mise a' legeil mo làn taic do duine sam bith a tha airson sin a dhèanamh ach saoilidh mise gum bi mi a' fuireach ann a sheo ach nan robh mi nas òige bhiodh ùidh mòr agamsa.

For feck's sake - live and let live mar a chanas iad.

[Gràisg]

Ma thèid thu a-null do Abair Thusa gheibh thu tuilleadh deasbaid air a' chuspair seo:
http://abairthusa.ning.com/forum/topics ... idhlig-aig

[horogheallaidh]

tha thu gle cheart a ghraisg le live and let live ach feumaidh tu fhein aideachadh gu bheil baraillean laidir aig fionnlagh mun a chuis seo agus cuisean eile - chan e doigh-beatha live and let live a th'aige idir - nas fhaisge ri do as i say or else, nam bheachdsa

a-reir firhall village, 's e seorsa de retirement village a th'ann agus tha sin gu tur eadar-dhealaichte bhon a chuspair seo - aite airson daoine nach eil airson a bhith fuireach comhla ri clann - coimhearsnachd gaidhlig airson daoine nach eil airson a bhith fuireach ann an saoghal beurla? feadhainn a tha ag iarraidh a h-uile duine eile a bhith air a chumail a-mach

gu cinnteach, bidh doigh eile ann a tha nas fhreagaraiche airson a ghaidhlig - tha mise den bheachd nach e an doigh air adhart airson a bhith feuchainn airson saoghal nas lugha a dheanamh ach ar saoghal a leasachadh - fosgailte dhan a h-uile duine - a togail an iomhaigh aig gaidhlig - mar a tha BBC alba a dheanamh making it more accesible to every one - ciamar as urrainn dhuin an canan a shabhaladh ma tha e duinte?

[Seonaidh]

Baile nan cat? Fur-ball Village... (gabh mo leisgeul!)

[Gràisg]

Hi Horo,

Fionnlagh a live and let live merchant? Saoildh mi gum bi esan comasach sin a fhreagairt an ath thuras a bhios e a' toirt sùla air an àite seo. A thaobh 'nach eil airson a bhith fuireach ann an saoghal beurla?' - saoilidh mi nach urrainn dhut beurla a sheachnadh ann an àite sam bith, dh' fhaodadh tu àite a chruthachadh far an robh beagan a bharrachd Gàidhlig ge-tà.

ciamar as urrainn dhuin an canan a shabhaladh ma tha e duinte?

Gheibh thu àite làn Gàidhlig aig an t-Sabhal Mhòir, an e àite duinte a th'ann?

Fur Ball village, chan eil mi buileach cinnteach dè seòrsa phetaichean a tha ceadaichte lol ach tha coin aig feadhainn dhiubh? Ach tha riaghaltan aca agus comitaidh agus chan eil agad do dhreuchd a leigeil dheth gus a dhol ann, saoilidh mi dìreach a bhith nas aoisde na 45 bliadhna a dh'aois agus faodaidh tu taigh a cheannaich. Tha cultair eile aca lol, faodaidh tu gan aithneachadh ma ghabhas tu sgrìob mu chuairt na aibhne ach tha feadhainn dhiubh bruidhinn le muinntir Inbhir Narann a-nis

[Tearlach61]

Aon rud a tha fìor mu dheidhinn Fhionnladh còir, 's e gu bheil e gu math daighean airson a bheachdan. 'S chan eil dad ceàrr leis a sin.

'S chan eil e ag ràdh dean seo 'or else." Tha e ag `ràdh nach an saoghal cho breagha sa the Bòrd na Gàidhlig 's eile a' cumail a-mach. Tha làn eagal aige gu bheil Gàidhlig fhathast a' bàsachadh a dh' aindeoin FMG 's eile. 'S chan eil e na aonar. Chuala mi cha mhòr an dearbh rud à Domhnall Uileam Stiùbhart. An rud a tha Fionnlagh 's eile ag ràdh 's e nach eil stiall aodaich air an an iompaire.

A dh' aindeoin bu bheil Gàidhlig aig 50,000 neach tha i a' bàsachadh mar cànan na coimheasnachd co-dhiù.

An rùn a th' aig Fionnladh còir, 's e beàrnn mòr a choilionadh ri thaobh na Gàidhlig. An duighleadas a th' aig a' Ghàidhlig, 's e far a bheil i fhathast na cànan na coimheasnachd, a leithid na h-eileanan an iar, 's iad sin na h-àitichean far a bheil i a' crionadh nas luaithe. Tha an eaconomaidh lag ann an sin.

Nuair a bha mi ann an Alba, chan fhaca mi ach aon àite far an robh làmh an uachdair aig a' Ghàidhlig, an sgìre timcheall air SMO far a b' urrainn dhomh comhraidhean thòiseachadh ann an Gàidhlig le dùil sam bith fhreagairt fhaighinn san aon chànan. Ach an duighleadas a th' ann 's e chan eil mòran cosnaidhean faisge air SMO.

'Se laigse mhòr a tha seo. Feumaidh a bhith aon àite ann, far a bheil làmh an uachdair aig a' Ghàidhlig 's an eaconomaidh a tha fallain gu leòr.

Sin an rud mu Inbhir Nis. Tha Gàidhligh làidir innte ann an dòigh leis gu bheil mòran tachairtean ri thaobh na Gàidhlig. 'S ann ann an Inbhir Nis a tha tè dhen dà sgoil Gàidhlig fa leth ann an Alba.

Agus chan eil sin a' ciallachadh gu bheil Beurla air a dùnadh a-mach. Sibhse a tha a' fuireach sa Ghearmailt, a bheil Beurla air a dùnadh a-mach?

Dhomhsa, tha mòran rian sna beachdan a th' aige Fionnlagh. 'S mar a thuirt Graisg, cha bu chòir a bhith monopoly aig Bòrd na Gàidhlig

[MonaNicLeoid]

’S e deagh choinneamh a bh’ ann. Bha feadhainn den bheachd gum bu chòir don leithid coimhearsnachd ùr a bhith taobh a steach Baile mòr Inbhir Nis (à la Shaw’s Rd Beal Feirste m.e.).

A bheil thu a' ciallachadh Falls Road, far a bheil Culturlann, an ionad Gaeilge le bùth leabhraichean etc.? Bha mi-fhìn ann an seachdain sa chaidh, agus 's e àite inntinneach a th' ann, ach chan ann gu bheil a h-uile duine a' bruidhinn Gaeilge an-sin. Chìthear soidhnichean Gaeilge air na buithtean, agus chluinnear Gaeilge ceart gu leòr anns a' Chulturlann, ach chan e gu bheil Beurla toirmisgte an-sin.

[Gràisg]

Halò Mona, fàilte air ais math d'fhaicinn ann an Inbhir Nis

Saoilidh mi gur e Gaeltacht eile a th'ann an Falls Road, cho fad's as aithne dhomh chaidh an Gaeltacht Shaws Rd a chur air dòigh ann an 1969 agus an iomairt eile ann an 1999 agus bho na chunnaic thusa 's math a rinn iad gu ruige seo.

[horogheallaidh]

hi graisg

ciamar as urrainn dhuin an canan a shabhaladh ma tha e duinte?

Gheibh thu àite làn Gàidhlig aig an t-Sabhal Mhòir, an e àite duinte a th'ann?

chan e aite duinte a th'ann idir - dh'fhaodadh tu radh gur e eisimplear gle mhath a th'ann airson coimhearsnachd gaidhlig ach air a laimh eile sin am priomh amas a th'aig smo co dhiu, 's e sin airson gaidhlig a leasachadh no gaidhlig ag ionnsachadh - tuigsinn? aite sonraichte airson gaidhlig a thogail ach coimhearsnachd residential mar seo, de am priomh amas a th'ann?

channainsa gum biodh e aite far nach fhaod sibh beurla a bruidhinn no a cluinntinn idir - aite far nach fhaigh thu torr de na rudan a tha cho cumanta anns an saoghal againn an drasta - is aithne dhomh feadhainn sa sgire nach eil airson caraidean a bhith aig a chlann aca mur eil gaidhlig aca - feadhainn nach eil a leigeil an clann aca a coimhead air programan beurla air a tbh - chan eil aca ach DVDs le cartun gaidhlig orra - an e seo na seorsa daoine a tha dol a bhith fuireach comhla?

sgriobh thu fhein e a ghraisg

"Fur Ball village, chan eil mi buileach cinnteach dè seòrsa phetaichean a tha ceadaichte lol ach tha coin aig feadhainn dhiubh? Ach tha riaghaltan aca agus comitaidh agus chan eil agad do dhreuchd a leigeil dheth gus a dhol ann, saoilidh mi dìreach a bhith nas aoisde na 45 bliadhna a dh'aois agus faodaidh tu taigh a cheannaich. Tha cultair eile aca lol, faodaidh tu gan aithneachadh ma ghabhas tu sgrìob mu chuairt na aibhne ach tha feadhainn dhiubh bruidhinn le muinntir Inbhir Narann a-nis"

de an diofar a bhiodh ann eadar firhall agus coimhearsnachd gaidhlig ma tha? bidh daoine eil daonnan a smaoineachadh gur e buidheann de misfits a th'ann - tha e soilleir gu bheil seo a tachairt le firhall mar tha leis an rud a tha thu a sgriobhadh

tearlach - tha coimhearsnachd math aig SMO air sgaths gu bheil torr a fuireach ann aig a bheil gaidhlig agus uidh aig gaidhlig - s math a tha sin ach air thaobh eaconomaidh? chan fhaigh coimhearsnachd lamh an uachdar air an eaconomaidh ann an aite sam bith - s docha gum bu choir dhaibh a bhith feuchainn airson coimhearsnachd a thogail air eilean beag mar scarp - "the new independant state of gaelic speakers"

mar a thuirt mi mar tha - bi choir dhuinn a bhith brosnachadh na coimhearsnachdan gaidhlig a tha ann mar leodhas, na hearadh msaa - brosnachadh an eacaonomiaidh aca agus an uair sin s dochad gum bi barrachd den na h-oigridh airson fuireach ann

[Gràisg]

mar a thuirt mi mar tha - bi choir dhuinn a bhith brosnachadh na coimhearsnachdan gaidhlig a tha ann mar leodhas, na hearadh msaa - brosnachadh an eacaonomiaidh aca agus an uair sin s dochad gum bi barrachd den na h-oigridh airson fuireach ann

Tha cruaidh fheum air a sin a charaid, ach nach e sin an dleastanas a tha mu thràth aig Bòrd na Gàidhlig, CNAG mar sin air adhart? Nach do chuir iad am plana sin air dòigh? A bheil thusa den bheachd nach eil am plana ag obair sna h-eileanan? Cho fad 's as aithne dhomh tha 'Till' a' gabhail gnothaich le sgìre Inbhir Nis a-mhàin.

A bharrachd air sin saoilidh mi gu bheil thusa a' sgrìobhadh riaghaltan airson coimhearsnachd nach eil th'ann fhathast agus tha thusa a' sùileachadh air dè seòrsa dhaoine a bhios buailteach a' gabhail gnothaich ris.

feadhainn nach eil a leigeil an clann aca a coimhead air programan beurla air a tbh

Chan fhaigh thu tbh aig taigh caraid agam, tha ise air a bhith teagaisg Ghaidhlig dhan mhac aice. Cha bhiodh feum air DVD's sam bith nan robh a leithid teaghlach sin airson a' dol ann.

Chan eil mi airson muinntir Furball Dream Homes a' dìon, bha e dìreach eisimpleir san t-seagh 'logistics'.

Feumaidh tu an deasbad a tha seo fhaighinn leis an fheadhainn a bhiodh airson a' dol ann a charaid, nuair no ma nochdas iad. Bho na chuala mi aig a' choinneam tha sin fada as. Chan eil mise nam bhall de 'Till' no buidheann sam bith eile , ma tha beachd agamsa 's e beachd neo-eisimeileach a th' ann.

Bha beachd inntinneach aig Ruairidh còir ge-ta - 's e sin ri ràdh faighinn cuideigin a-nall bhon Shaw's Rd gus innse dhuinn ciamar a tha cuisean thall an sin leis an Gaeltacht aca.

[Fionnlagh]

xx