The Cutter and the Clan
Faclan aig Calum Dòmhnallach
Còmhla rium
A tha thu an dràsd
Mo shùilean dùinte, mo chuimhne dàn
Nam sheasamh a' coimhead
Gach cnoc is gach tràigh
Is an sìol a dh'fhàg thu ann a' fàs
Tha an gàrradh làn
Le craobhan treun
Le meas a' fàs dhuinn ann ri bhuain
Ùbhlan abaich
Milis geur
Ach tha aon ubhal nach ruig sinn idir air
Sèididh gaoth is dearrsaidh grian
Tro mheas nan craobhan linn gu linn
Ach thig an là is thig an t-àm
Airson an ubhal as àirde
Air a' chraobh a' bhuain
Is cò 'nar measg
A mhaireas là
Seachad air àm is air oidhche fhèin
A' liuthad uair
A shreap mi suas
Airson an ubhal as àirde chur gu beul
Sèididh gaoth is dearrsaidh grian
Tro mheas nan craobhan linn gu linn
Ach thig an là is thig an t-àm
Airson an ubhal as àirde
Air a' chraobh a' bhuain
