Ràdh 21 - A' cur a' chairt ron each

Abairtean air an cruinneachadh leis a' Ghobaire agus eisimpleirean de an cleachdadh. Gabhadh sibh uile pàirt anns an deasbad. / Expressions collected by An Gobaire with examples of use. Everybody is welcome to join in the discussion.
An Gobaire
Posts: 693
Joined: Tue Sep 25, 2007 3:47 am
Language Level: Fileanta
Corrections: Please correct my grammar
Location: Saitama, an Iapan
Contact:

Ràdh 21 - A' cur a' chairt ron each

Unread post by An Gobaire »

A' cur a' chairt ron each

Tràth san fhicheadamh linn, agus fad linntean ron sin, bhathar a' cleachdadh each agus cairt gus falbh air feadh an àite. (Abair sgoilear a th' annam-sa)

Agus, mun robh guth air einnsean no motar, nam biodh cairt ann gun each, cha bhiodh e gu mòran feum!

Air an aon dòigh cheudna, cha bhiodh e gu feum sam bith nan rachadh an cairt a chur air thoiseach air an each...oir, cha tarraing cairt each. (Mura h-e each glè bheag a th' ann agus cairt trom a' dol sìos le bruthach ga shlaodadh às a dhèidh!)

Co-dhiù, tha mi a' dol air dheireadh air mo sheanchas.

Mar sin, seo eisimpleir den abairt seo ann an cleachdadh:

Tha Bòrd Turasachd na h-Alba a' cur a' chairt ron each a thaobh goireasan ann a bhith a' tàladh coigrich à Sasainn agus tìrean cèin.

Tha seo ag ràdh gu sìmplidh, gum bu chòir don Bhòrd goireasan a chur air dòigh mus tòisich iad air luchd-turais a thàladh gu Alba.

Mar sin, ma tha thu a' cur a' chairt ron each a thaobh rudeigin no gnìomh, tha thu ga dhèanamh ro chabhagach, no ro thràth. A' dèanamh rudeigin an toiseach a bu chòir dhut dèanamh an dèidh rudeigin eile!

An e an ràdh Beurla "Running before you can walk." as coltaiche ris?


Dèan buil cheart de na fhuair thu!
GunChleoc
Rianaire
Posts: 4607
Joined: Mon Sep 17, 2007 11:26 am
Language Level: Mion-chùiseach
Corrections: Please correct my grammar
Location: Dùthaich mo chridhe
Contact:

Re: Ràdh 21 - A' cur a' chairt ron each

Unread post by GunChleoc »

Tha ràdh Beurla ann a tha co-ionnan - Put the cart before the horse
Oileanach chànan chuthachail
Na dealbhan agam
akerbeltz
Rianaire
Posts: 1781
Joined: Mon Nov 17, 2008 1:26 am
Language Level: Barail am broinn baraille
Corrections: Please don't analyse my Gaelic
Location: Glaschu
Contact:

Re: Ràdh 21 - A' cur a' chairt ron each

Unread post by akerbeltz »

Tha mi eòlach air an fhear seo ach mar a' cur na cartach air thoiseach air an each. An dearbh chiall ge-tà.
An Gobaire
Posts: 693
Joined: Tue Sep 25, 2007 3:47 am
Language Level: Fileanta
Corrections: Please correct my grammar
Location: Saitama, an Iapan
Contact:

Re: Ràdh 21 - A' cur a' chairt ron each

Unread post by An Gobaire »

GunChleoc wrote:Tha ràdh Beurla ann a tha co-ionnan - Put the cart before the horse
Cha robh mi eòlach air an fhear Bheurla.
Dèan buil cheart de na fhuair thu!
Post Reply