Sitig de latha

Abairtean air an cruinneachadh leis a' Ghobaire agus eisimpleirean de an cleachdadh. Gabhadh sibh uile pàirt anns an deasbad. / Expressions collected by An Gobaire with examples of use. Everybody is welcome to join in the discussion.
An Gobaire
Posts: 693
Joined: Tue Sep 25, 2007 3:47 am
Language Level: Fileanta
Corrections: Please correct my grammar
Location: Saitama, an Iapan
Contact:

Sitig de latha

Unread post by An Gobaire »

'S fhada on a chuir mi sìon anns an roinn seo a chruthaich GunChleoc dhomh.
Ach, bu toil leam cumail ris, ged nach tric a bhios mi cur ris..

Mar sin, seo abairt a th' air a cleachdadh ann an Uibhist / Beinn na Fadhla, agus dh'fhaoidte ann an àiteachan eile, airson droch shìde a mhìneachadh.

Nam b' e sitig de latha a bhiodh ann, cha robh an t-sìde, no an aimsir, ach grot. Sna h-eileanan, tha sin a' ciallachadh latha robach. Gaoth is uisge, mar as trice.

Bha sitig de latha ann.

...Cha robh an t-sìde ach grot.
...'S e latha robach a bh' ann.

'S e an t-sitig àite astar bhon taigh-chroite far an cuirear sgudal sam bith a bhios a' lobhadh leis fhèin. Canar "òtrach, òcrach" cuideachd ris an tòrr seo.

Ma bheir cuideigin an t-sitig air, tha e a' tarraing air falbh sa bhad, agus dh'fhaodadh droch sheagh a bhith fillte an lùib na h-abairt seo, mur can neach e le fiamh a' ghàire air.

Thoir an t-sitig ort! - ( Thalla!; Mach à seo! Thoir do chasan leat! Teich bhuam! Bi falbh! etc.)
Last edited by An Gobaire on Thu Apr 09, 2015 9:43 pm, edited 1 time in total.


Dèan buil cheart de na fhuair thu!
faoileag
Maor
Posts: 1505
Joined: Fri Jan 25, 2008 12:19 am

Re: Sitig de latha

Unread post by faoileag »

Tha mi toilichte gu bheil thu air ais air an t-snàthainn seo, mu dheireadh thall. :priob:
Bha sinn gad ionndrainn.

Abairt uabhasach feumail an turas seo cuideachd. (Ged nach e sitig de latha a th' ann idir an-diugh - dìreach a' cheart-aghaidh de sin. :grian: )
GunChleoc
Rianaire
Posts: 4607
Joined: Mon Sep 17, 2007 11:26 am
Language Level: Mion-chùiseach
Corrections: Please correct my grammar
Location: Dùthaich mo chridhe
Contact:

Re: Sitig de latha

Unread post by GunChleoc »

Agus chuir mi ris an làrach-lìn againn cuideachd e, mu dheireadh thall!

Mòran taing :)
Oileanach chànan chuthachail
Na dealbhan agam
Post Reply