Fòram na Gàidhlig

Nollaig chridheil dha na Gàidheil, na Gàidheileamailtich 's daoine eile le Gàidhlig air feadh an t-saoghail o sgioba an Fhaclair Bhig (Will Robertson, Michael "Akerbeltz" Bauer agus Kevin "Còir" Scannell

Dearbhair-litreachaidh airson OpenOffice

agus

Dearbhair-litreachaidh airson Firefox is Thunderbird

Obh obh...nach eil spel-teacaire ann airson ClosedOffice, no MS-Worm mar a dh'ainmichear?

Tha Windows nas sparragaiche ach tha sinn ag obair air

@Sheonaidh
Dearbhairean-liteachaidh Gaidhlig Word? - Nach eil an liosta faclan ud gu tur bho Smachd Mgr Gates? Saoilidh mi nach urrainn dhut ga chleachdadh airson dad sam bith eile feumail don Chànain - bathar-bog geama scrabble air loidhne mar eisimpleir?

@ Akerbeltz, Sin thu fhèin a bhalaich. Co-dhiù. Bha mi ga lorg, chaidh e a-steach Firefox (nam bheachdsa) an uair sin bha mi an dùil icon air choireigin fhaicinn air an tool bar ach cha robh dad ann. An bu chòir dhomh a leithid fhaicinn?

Deagh phuing, bu chòir dhomh seo a chur ris an tuairisgeul air Mozilla.

Dèan seo:
1) Rach gu Innealan/Tools
2) Roghainnean/Options
3) Roghainnean adhartach/Advanced Options
4) Cuir cromag ri Ceartachadh-litreachaidh beò/Check spelling as you type

Nochdaidh loidhnichean dearg fo fhaclan nach eil ceart (agus Beurla) an uairsin. Ma nì thu briogadh deis an uairsin, chì thu na molaidhean aig an dearbhair-litreachaidh.

Ok, chuir mi mìneachadh an dà chuid ri Firefox is OpenOffice.

Chan eil mise ro mhath le rudan teicnigeach, ach feuchaidh mi e cuideachd.

Ach 's dòcha gum bu choir sinn a chleachdaidh airson teachdaireachdan air an Fhòram seo cuideachd - thoir sùil air an tiotal agad!

Ach sin thu fhèin - deagh obair, mar as àbhaist.

Dè dhèanamaid às d' aonais!

Aoibh, tha thu ceart

Agus gun robh mìle math agad son do mholadh

Bha mi fhathast a cleachdadh dearbhair-litreachaidh airson Fraingis/Beurla/Cuimris agus bha mi dìreach a feitheamh ri fhear airson Gàidhlig. Glè chleachdail!

Dh'obraich sin gu math a charaid Chunnaic mi pailteas loidhneachan dearga fhad 's a bha mi a' sgrìobhadh an teachdaireachd seo.

Tha mi toilichte sin a chluinntinn

Mar a thuirt mi, tha rudan beaga ann a tha neònach fhathast. Mar eisimpleir, mhothaich mi nach robh na foirmean ann airson "luchag" (luchaig/luchaige...) ach cuiridh sinn ceart seo ri tìde. Ma mhothaicheas sibh do rudan neònach mar seo, nach leig sibh fios dhuinn an-seo?

Mòran taing! Chuir mi duilleag ùr ris an làrach-lìn againn. Tha dearbhairean ann mar-thà airson Word agus MacOX http://www.foramnagaidhlig.net/index.php?page=116

Tha am fear againne nas fhearr 's nas motha ge-tà

Cha chreid mi nach eil

Agus air Thunderbird a-nis cuideachd:

https://addons.mozilla.org/en-US/thunde ... on/260204/

Sàbhail am faidhle 's dèan na leanas an uairsin:
1) Innealan/Tools
2) Roghainnean/Options
3) Tuilleadain/Addons
4) Rianach/Administer
5) Stàlaich/Install
6) Ceart ma-thà/OK

Sin agaibh e.

Tha seo math da-rìreamh. (Cuin a dh'atharraich da-rìribh gu da-rìreamh!!! )

Co-dhiù, coltach ri dearbhair Word, chan eil seo coileanta, ged a tha e nas fheàrr.

Bidh loidhnichean dearga an-còmhnaidh a' nochdadh fo an t-, no na h- agus mar sin air aghaidh. Mar eisimpleir, "an t-òran". Tha loidhne dearg fon "t".

Dè ghabhas dèanamh mu dheidhinn?