Bòrd na Gàidhlig a’ sireadh Ceannard

Na tha a' tachairt ann an saoghal na Gàidhlig agus na pàipearan-naidheachd / What's happening in the Gaelic world and the newspapers
*Alasdair*
Posts: 507
Joined: Thu Sep 27, 2007 6:11 pm
Language Level: Gu math siubhalachd
Corrections: I'm fine either way
Location: Alba
Contact:

Bòrd na Gàidhlig a’ sireadh Ceannard

Unread post by *Alasdair* » Mon Mar 29, 2010 4:19 pm

Tha Bòrd na Gàidhlig a’ sireadh Ceannard airson na buidhne a stiùireadh agus Plana Nàiseanta na Gàidhlig a chur an gnìomh. Tha sanasan a’ nochdadh ann am pàipearan naidheachd is eile agus tha tuilleadh fiosrachaidh ri fhaighinn air làrach-lìn a’ Bhùird.

Tha dreuchd a’ Cheannaird air a bhith bàn bho Lùnastal 2008 agus am Bòrd a’ coimhead ri dòighean-obrach ùra agus a’ fastadh luchd-obrach ann an diofar dhreuchdan eile.


Tha an obair ga shanasachd aig tuarastal £64k gu £73k agus tha am Bòrd an dòchas neach fhastadh son na dreuchd cho luath sa ghabhas.

Thuirt Dòmhnall Màrtainn, Oifigeach Cunntachail a’ Bhùird: “Tha sgioba stiùiridh eadar-amail air a bhith a’ stiùireadh a’ Bhùird bho samhradh seo chaidh agus sinn a’ coimhead ri na structaran obrach agus an t-slighe air adhart. Tha sinn a-nis air na dreuchdan air fad a choileanadh agus tha an t-àm ceart airson a dhol a shireadh Ceannard ùr a ghluaiseas Bòrd na Gàidhlig air adhart chun ath ìre. Seo ’s dòcha an dreuchd as cudromaiche ann an saoghal na Gàidhlig, dreuchd a tha gu math dùbhlanach ach tarraingeach agus dha-rìribh sònraichte airson leasachaidh na Gàidhlig a lìbhrigeadh agus a stiùireadh. Tha sinn a’ sireadh Ceannard le sàr-sgilean conaltraidh, sgilean stiùiridh dearbhte; agus le comas cànan is cultar na Gàidhlig a riochdachadh aig iomadh ìre.”

Gheibhear tuilleadh fiosrachaidh air: http://www.gaidhlig.org.uk/obraichean no bho Dhòmhnall Màrtainn, Oifigear Cunntachail a’ Bhùird air 07803 737 473 no air post-d aig: domhnallm@aol.com

’S e Dihaoine 23 Giblean 2010 an ceann-latha deireannach airson tagraidhean.



Seonaidh
Posts: 1486
Joined: Fri Apr 04, 2008 8:00 pm
Corrections: I'm fine either way
Location: Faisg air Gleann Rathais

Re: Bòrd na Gàidhlig a’ sireadh Ceannard

Unread post by Seonaidh » Mon Mar 29, 2010 7:56 pm

Nach eil ceannard aca mar thà?

faoileag
Maor
Posts: 1470
Joined: Fri Jan 25, 2008 1:19 am

Re: Bòrd na Gàidhlig a’ sireadh Ceannard

Unread post by faoileag » Mon Mar 29, 2010 9:46 pm

Chan eil an ceangal gu h-àrd ag obrachadh. Bu choir dha a bhith:

http://www.gaidhlig.org.uk/obraichean.html

Seonaidh wrote:Nach eil ceannard aca mar thà?
'S e Cathraiche a th' ann an Arthur, ball a' Bhùird e fhéin, saoilidh mi.

http://www.gaidhlig.org.uk/ambord/buill/buill.html

Tha e coltach gun thathar ag iarraidh 'Ceannard Mòr' maireannach airson a h-uile leasachadh ùr a stiùireadh. Cò aig a tha fios a bheil seo còmhla ri Arthur no às aonais. Bhithinnsa an dòchas gum biodh e còhmla ris.

Coinneach Cìr
Rianaire
Posts: 333
Joined: Mon Sep 24, 2007 4:07 pm
Language Level: Fileanta
Corrections: I'm fine either way
Location: Siorrachd Rinn Friù
Contact:

Re: Bòrd na Gàidhlig a’ sireadh Ceannard

Unread post by Coinneach Cìr » Wed Apr 07, 2010 7:29 pm

Seonaidh wrote:Nach eil ceannard aca mar thà?
Chan eil, rinn iad agallamhan an-uiridh no mar sin ach cha deach cuideigin fhastadh. Tha sgioba 'eadar aimeil' air a bhith aca.

Post Reply