Dè mu dheidhinn seo, bhon Bheeb:-
Leasachadh rèile Inbhir Nis gu Dùn Èideann
Mairidh an obair ceithir bliadhnaichean
Dhearbh riaghaltas na h-Alba an-diugh gun tèid còrr is £50m a chosg ann a bhith a' leasachadh an loidhne rèile eadar Inbhir Nis agus Dùn Èideann.
Dh'fhoillsich am prìomh mhinistear an naidheachd fhad 's a bha a' chabinet aige a' coinneachadh ann an Inbhir Nis son a' chiad uair.
Leis a h-uile leasachadh a thèid a dhèanamh air an loidhne eadar siostaman signail, agus luibean ùra, tha dùil gun tèid còrr is leth uair a thìde a ghearradh far na h-ùine a bheireas an trèana siubhal eadar Inbhir Nis agus Dùn Èideann.
Bidh sin a' ciallachadh nach toir e ach dà uair a thìde agus tri chairteil eadar an dà bhaile.
Leasachadh rathaid
Tha dùil gum mair an obair seo ceithir bliadhna.
Thuirt Mgr Salmond gu bheil an Riaghaltas cuideachd a' dol a chosg tòrr a bharrachd airgid air rathad an A9 agus thèid prìomhachas a thoirt do bhith a' cur ris an rathad dà-fhìllte aig a' Chrubainn Mhòir far an robh fìor dhroch thubaist bho chionn colla-deug.
A bharrachd air sàbhailteachd, tha e mar dhleasdanas air an Riaghaltas thuirt Mgr Salmond, gum bi goireasan siubhail cho math 's a ghabhas anns a' cheann a tuath son barrachd luchd-turais a thàladh dhan sgìre agus brosnachadh a thoirt dhan eaconomaidh.
- am bi seo a' bualadh air a' Gàidhlig?