Amasan foghlaim cha-mhòr do-ruigsinneach

[Gràisg]

'Tha coltas ann gum bi e cha-mhòr do-dhèanta do Bhòrd na Gàidhlig na targaidean aca airson foghlaim tro mheadhan na Gàidhlig aig ìre na bun-sgoile a choileanadh'...

'Tha Bòrd na Gàidhlig ag ràdh gun robh am Plana Nàiseanta subailte bho thùs, agus gun do chuir iad targaidean àrda romhpa fhèin a dh'aona-ghnothach.'

tuilleadh an seo:
http://www.bbc.co.uk/scotland/alba/naid ... bnag.shtml

[Tearlach61]

Chuala mi an naidheachd seo air RNG. An fhìrinn, 's e fìor dhrochd naicheachd a th' ann. Dhomh-sa, tha iad a' leigail orra gu bheil iad a' sàbhaileachd na Gàidhlig ach a-rèir nan àireamhan seo, chan eil iad a' cur dàil fiù s còig mionaidean air bàs na Gàidhlig.

Dè feum ann a bhith stèidheachadh amasan mìorbhaileach mur a stèidhich thu na ceumanan a 's fheudar airson an cur an gnìomh?

Chuck

[ArtMacCarmaig]

Tha mise gu math dòchasach, a Theàrlaich, gun ruig sinn na h-àireamhan seo. Anns an dà bhliadhna mu dheireadh tha am fàs air a bhith aig rudiegin coltach ri 14% bliadhna an dèidh bliadhna, leis a' mhòr chuid ann an Glaschu. Tha feum againn sin àrdachadh gu rudeigin coltach ri 23% gach bliadhna.

Le sgoiltean Gàidhlig ann am Port Rìgh agus An Gearasdan, le barrachd a dhol dhan ionad Gàidhlig an Dùn Èideann, agus le dùil gun coilion Comhairle nan Eilean Siar na tha iad air gealltainn sa phlana Gàidhlig aca, bhithinn dòchasach gun gabhadh sin a dhèanamh.

'S ann mu dheidhinn àireamhan àrdachadh a tha am Plana Gnìomh a chuir Bòrd na Gàidhlig dhan riaghaltas ron Nollaig http://www.bord-na-gaidhlig.org.uk/Defa ... ang-GD.htm

Ma gheibh sinn aonta ris a h-uile càil tha gnìomhan na lùib a bhios a' toirt taic dha pàrantan agus foghlam ro-sgoile - dà rud a bhios deatamach ann a bhith ag àrdachadh àireamhan sgoilearan sna bun-sgoiltean.

[Each]

Tha mi duilich ach chan eil an Plana ri fhaotainn air an Larach Linn a Bhuird.

Direach fios-naidheachd.

[ArtMacCarmaig]

Chan eil agus cha tuirt mi gun robh, Each. Cha bhi am plana air fhoillseachadh gus am faigh sinn aonta bhon Mhinistear.

[Tearlach61]

TL airson sin M. McCormaig. Theab mi mo mhisneachd a chall nuair a chuala mi sin.