Fòram na Gàidhlig

A bheil ùidh aig duin' agaibh a bhith air Bòrd na Gàidhlig?

Tha an riaghaltas a' sireadh buill ùra an-dràsta agus tha fhios agam gu bheil beachdan làidir aig cuid air an fhòram seo a dh'fhaodadh a bhith feumail don Bhòrd.

'S e Dihaoine 13mh Lùnastal an ceann-latha airson tagraidhean agus gheibhear barrachd fiosrachaidh an seo:
http://www.appointed-for-scotland.org/C ... -Gaidhlig/

Ma tha duin' agaibh airson bruidhinn rium gu neo-fhoirmeil faodaidh sibh fònadh thugam air an àireamh san litir a tha anns a' phasgan air-loidhne.

Art chòir - mar a bhios fios agad, 's e luchd-ionnsachaidh a th' anns a' mhòrcuid den daoine an seo, agus seo ceist a dh'fhaodadh a bhith de ùidh choitcheann: dè tha beachd BnaG air daoine a tha ag ionnsachadh Gàidhlig fhathast mar bhuill?

A Sheonaidh chòir: Tha mise fhathast ag ionnsachadh na Gàidhlig cuideachd agus chuireadh am Bòrd fàilte air daoine a tha ga h-ionnsachadh le na sgilean freagarrach gun teagamh sam bith.

Nam bheachd fhèin bhiodh e math nan robh cuideigin an làthair na riochdaire den choimhearsnachd air loidhne ach leis an fhìrinn innse chan eil sinn air an aon ràimh direach mar a tha cuisean taobh a muigh a h-uile cail an seo. Ach rud a tha cudromach ‘s e sin gu bheil conaltraidh eadar-nùiseanta a’ dol tro mheadhan na Gaidhlig ann an sheo agus aiteachean eile air loidhne agus am bu choir don bhòrd agus an riaghaltas a bhith mothachail air sin? Tha sin gam thoirt air ais do 'mobheurla.com' cha robh co-chomhairle sam bith leis an fheadhainn air loidhne mus do thoisich sibh leis a sin.

Co-dhiù leann mi an ceangal ud agus saoilidh mi gu bheil slatan-tomhais gu math teann agaibh. Seo pìos bhon duilleig:

‘The Bòrd is particularly looking for people who have expertise in one or more of the following three areas: a finance and audit background; a Gaelic education background and / or experience of minority language development.’