Fòram na Gàidhlig

A chàirdean, Dè a' Ghàidhlig a th'air "Concert Pianist", cha robh mise airson rudeigin gu tur neònach a chruthachadh. Tha mi an dòchas gum bi smaoin aig feadhainn nas glice na mise ('s e sin ri ràdh a' mhòr chuid agaibh)

Chan eil mi eòlach air facal sònraichte airson "pianist".

Ach, 's e ceòl-chuirm a' Ghàidhlig air "concert" san t-seagh seo.

Mar sin, 's dòcha gun dèanadh rudeigin mar Neach-piàna Ceòl-chuirm a' chùis.

... ciùil-chuirm, nach ann? Co-dhiù, on a tha e car neònach, 's mathaid gun tuigear neach-piàna (no cluicheachdair piàna) consairt na b' fhasa.

Far a bheil abairt ainmearach ann, agus an dà ainmear anns an tuiseal ghinideach (leis gu bheil iad a' leasachadh ainmear eile), tha an tuiseal ginideach air a chomharrachadh anns a' chiad ainmear (an là an-diugh) dìreach far a bheil an t-alt ann. *Ruairidh Macilleathain

Mar sin, san latha an-diugh, 's e sin mar a thathar ga dhèanamh, ged a bhios cuid a' cumail ris an t-seann dòigh. Tha a' mhòr-chuid a' leantainn seo.

Neach-piàna ceòl-chuirm.

obair fear-ciùil - a musician's work obair an fhir-chiùil - the musician's work

Co-dhiù, chan eil mi a' dol leat gu bheil an t-eadar-theangachadh seo neònach, ach dh'fhaodadh e bhith na bu ghiorra. Cuideachd, chan eil "concert" san t-seagh seo a' ciallachadh "consairt". 'S e an ceòl fhèin air a bheil e a-mach, seach an tachartas.

's mathaid gun tuigear neach-piàna (no cluicheachdair piàna) consairt na b' fhasa.

Mura bheil daoine a' tuigsinn ceòl-chuirm...tha e cho math dhaibh a' Ghàidhlig a leigeil seachad.

chan eil seo ceart, ma tha tàthan eadar dà ainmear, tha sin a' comharradh gur e close compound a th' ann agus leis a sin, tha an dàrna ainmean air cùlaibh an tàthain 'ga làimhseachadh mar buadhair.

Tha tàthan a' comharrachadh gur e ainmear fillte a th' ann gu dearbh. Ach, thathar gu tric a' leigeil seachad an t-seann riaghailt mur nach eil an t-alt ann.

mullach bothan-àirigh ach mullach a' bhothain-àirigh a shieling roof / the shieling's roof

Ma bhios daoine a' leantainn an t-seann dòigh, chuireadh iad: mullach bothain-àirigh gun teagamh. Ach, tha an dà riochd gràmair ann an cleachdadh, agus a' chiad riochd a' faighinn làmh-an-uachdar.

Le ceòl-chuirm ge-tà, feumaidh mi aideachadh nach eil fhios agam carson 's e "chuirm" a th' ann le sèimheachadh san tuiseal ainmearach. Ach, 's e sin mar a tha e ann an Dwelly. "Ceòl-chuirm".

Tha Ruairidh cuideachd ag ràdh: "Ann an ainmear fillte le dà ainmear, is an dàrna fear singilte, bidh an dàrna fear air a shèimheachadh ach tha sin fìor dìreach nuair a bhios ceangal làidir ann eadar an dà fhacal.

glainne-fhìona (boir) a wine glass glainne fìona a glass of wine
cuinneag-bhainne (Boir) a milk pail cuinneag bainne a pail of milk

NB. 'S fhiach toirt fa-near ge-tà, gun tuirt Ruairidh gu bheil mòran a' cumail ris an t-seann nòs, ged a tha an nòs ùr air fàs gu math cumanta. 'S fheàrr leam fhìn a bhith a' cumail ris an t-seann nòs, agus a' caolachadh (no a' sèimheachadh 's a' caolachadh) ainmearan san tuiseal ghinideach, fiù 's ged nach eil alt ann, ach ann am bruidhinn, saoil cia mheud duine a tha a' cumail ris an nòs thraidiseanta sin?

ceòl-chuirm

Tha sèimheachadh ann a chionn 's nach e seo an t-òrdugh àbhaisteach, 's e "cuirm-ciùil" an t-òrdugh àbhaisteach (base+modifier). Ann an ceòl-chuirm, tha ceòl- cha mhòr mar buadhair leithid droch/deagh/seann etc agus gheibhear sèimheachadh san t-suidheachadh seo.

Ach, thathar gu tric a' leigeil seachad an t-seann riaghailt mur nach eil an t-alt ann

Tha mi eòlach air call an tuiseil ghinidich an dèidh buadhair ainmearach ach tha e 'na naidheachd dhomh gu bheil e a dhìth ann an sreath ainmearan...

Feumaidh sinn còrpas. 'S mathaid gu bheil Ruairidh ceart ach b' fhearr leam dàta nas cruaidhe na rud a chualas air a' bhuas eadar Lacastal agus Caolas Arcaibh

Feumaidh sinn còrpas. 'S mathaid gu bheil Ruairidh ceart ach b' fhearr leam dàta nas cruaidhe na rud a chualas air a' bhuas eadar Lacastal agus Caolas Arcaibh

Ueill, cha chreid mi gu bheil an cùrsa gràmair aige (a bha mi a' frithealadh) stèidhichte air cagairean-cluaise. Tha e stèidhichte air an eòlas a fhuair e le bhith a' dèanamh a bheò-shlàint fad iomadh bliadhna ann an saoghal-obrach na Gàidhlig, gu h-àraidh aig a' BhBC. Agus leis cho mionaideach 's a tha e, saoilidh mi gu bheil e air feum a dhèanamh de rannsachadh a rinneadh mu thràth.

Bha e a' sònrachadh ge-tà, gur e rud a tha cumanta, gun an riochd ginideach a chleachdadh agus a' fàgail againn fhìn an robh sinn gabhail ris no nach robh.

tl a chàirdean

An Gobaire wrote:

Feumaidh sinn còrpas. 'S mathaid gu bheil Ruairidh ceart ach b' fhearr leam dàta nas cruaidhe na rud a chualas air a' bhuas eadar Lacastal agus Caolas Arcaibh

Ueill, cha chreid mi gu bheil an cùrsa gràmair aige (a bha mi a' frithealadh) stèidhichte air cagairean-cluaise. Tha e stèidhichte air an eòlas a fhuair e le bhith a' dèanamh a bheò-shlàint fad iomadh bliadhna ann an saoghal-obrach na Gàidhlig, gu h-àraidh aig a' BhBC. Agus leis cho mionaideach 's a tha e, saoilidh mi gu bheil e air feum a dhèanamh de rannsachadh a rinneadh mu thràth.

Consider what you hear on the BBC in English. It's not really representative, is it?

Thalla, chan eil sin idir buntainneach don dheasbad.

How many angels can balance on a pinhead?

Nuair a bhios sibh a' deasbad air dè "concert pianist" sa Ghàidhlig, bidh an cànan a' basachadh. Nan teirte "ceòl-chuirm", no nan teirte "ciùil-chuirm", bhithinn ga thuigsinn - agus sin an rud as cudromaiche.

Nuair a bhios sibh a' deasbad air dè "concert pianist" sa Ghàidhlig, bidh an cànan a' basachadh. Nan teirte "ceòl-chuirm", no nan teirte "ciùil-chuirm", bhithinn ga thuigsinn - agus sin an rud as cudromaiche.

Ò, thalla, a-rithist. Ciamar a tha thu a' dèanamh dheth gu bheil a' Ghàidhlig a' bàsachadh a chionn 's gu bheil sinn a' deasbad ann an Gàidhlig? Chan eil sin a' dèanamh cèill sam bith. *no "ciall", ma bhios sinn a' leigeil seachad an t-seann nòs.

Saoilidh mi san t-suidheachadh-sa nach bu chòir a' chiad ainmear ann an ainmear fillte a bhith san tuiseal shealbhach. 'S e ceist mu stoidhle a tha sin, ge-tà, seach 'ceart is ceàrr'. Tha e 'ceart' a chaolachadh gu gràmarail nuair a bhios tàthan ann ach tha daoine gu soilleir a' gluasad air falbh bho sin. Cha chreid mi gum bi Raghnaill MacIlleDhuibh - ùghdarras a tha e ann - ga dhèanamh.

Ach airson cainnt a' Bhìobaill (a tha gu math fuadain co-dhiù), bha Gàidhlig sgrìobhte riamh nas buailtich cruthan cuimseach sìmplidh a lorg - a' cur an tuiseil shealbhaich aig an fhìor dheireadh de shreath ainmearan. Leis an tàthan tha e rudeigin nas trioblaidich ach chanainn gum bu chòir cumail ris an aon riaghailt ach nuair a bhios an t-alt ann.

San aon seagh, tha e a' faireachdainn gu math seann-fhasanta, dhomhsa, ainmearan san tuiseal shealbhach fhaicinn às dèidh ghnìomhairean ainmearach agus gun an t-alt.

Às aonais corpas na cànain agus riaghailtean nas soilleire, cha bhi cunbhalachd againn ann an teagasg, eadar-theangachadh is mar sin.