Sgoil Gàidhlig ùr ann an Glaschu

[Gràisg]

An anns na bailtean mòra a gheibhear prìomh àros na Gàidhlig san am ri teachd? Seo sanas naidheachd riaghlatas na h-Alba:

"Sgoil Gàidhlig ùr ann an Glaschu

07/02/2013

Tha Riaghaltas na h-Alba air maoin £800,000 a chur ris an sgoil Gàidhlig ùr ann an Glaschu, chaidh fhoillseachadh an-diugh.

Bidh a’ bhunsgoil na pàirt de dh’Àrainn Ghleann Dàil ann am Pollockshields.

Thuirt am Ministear airson Ionnsachadh, Saidheans agus Cànain na h-Alba, Alasdair Allan:

“Tha iarrtas airson foghlam Gàidhlig a’ sìor fhàs ann an Glaschu. Tha seo a’ comharrachadh gu bheil pàrantan ag aithneachadh na buannachdan an-lùib foghlamdà-chànanach ach cuideachd gu bheil sinn a’ glèidheadh suidheachadh fallain agus seasmhach airson a’ chànan do ghinealach ùr.

“’S ann le fior thoilicheas a tha mi a’ foillseachadh maoin ùr a chuidicheas le àrainneachd a chruthachadh a bheir misneachd do sgoilearan agus luchd obrach na sgoile anns na bliadhnaichean a tha romhpa.”

Dh’fhosgail a’ chiad sgoil Gàidhlig airson aois 3-18, aig Taobh na Coille, anns an Lùnastal 2006 agus bhon uair sin tha iarrtas airson foghlam Gàidhlig do chloinn òga air fàs.

Thuirt an Comhairlaiche Stephen Curran, Ball Gnìomhaiche Baile Ghlaschu airson Foghlam agus Òigridh

“Tha sinn a’ cur fàilte air an airgead seo. Còmhla ri maoin bho Comhairle Baile Ghlaschu bheir seo cothroman ùr chan e a-mhàin do 200 sgoilearan Gàidhlig ann an Glaschu ach cuideachd bheir e cothroman ùr do thidsearan anns a’ bhaile. Le sgoilùr cha bhith uidhir de dh’impidh ga chur air Àrainn Taobh na Coille.”

Thathar an dùil gun tòisich obair air an sgoil ùr san t-Sultain, a criochnachadh tràth ann an 2015."

[Thrissel]

Tha dragh air feadhainn ge-tà gum bi a' bhun-sgoil ùr air an aon làraich ri sgoil Bheurla:
http://www.bbc.co.uk/naidheachdan/21367152

[Seonaidh]

An anns na bailtean mòra a gheibhear prìomh àros na Gàidhlig san am ri teachd?

'S ann. Mar a tha cùisean an Èirinn a-nis. B' àbhaist do mhuinntir na Gàidhlig, sam àm ri teachd, Gàidhlig a bhruidhinn le blas cosmopoiliteach, 's dòcha measgadh de Ghlaschuais, Cainnt a' Chuain Sgith, Gearmailtis is Beurla nan S.A.

Dè ur beachd?

[Níall Beag]

Ha mi a kredshin goo vale shin fear. Ow-nce na baltchin mor-ah, bee doonyuh a breeyin eh oola an cheedgeuh san ow-m ree tchak.

[Cùl a’ Bhìogais]

Ha mi a kredshin goo vale shin fear. Ow-nce na baltchin mor-ah, bee doonyuh a breeyin eh oola an cheedgeuh san ow-m ree tchak.

Duda?

Aon rud a chanainn ge-tà, 's e g'eil seo na chaitheamh fhad is nach fhaigh sinn sgoiltean Gàidhlig ceart sna h-Eileanan. Tha cus dhaoine a' diochnachadh freumhan na Gàidhlig is a' bhun-stèidhidh a thathas a' feumachadh sa choimhearsnachd sa bheil i an-diugh.

[Neas Olc]

Ha mi a kredshin goo vale shin fear. Ow-nce na baltchin mor-ah, bee doonyuh a breeyin eh oola an cheedgeuh san ow-m ree tchak.

Cha mhòr gun do smaoinich mi gur e Gàidhlig Mhanaineach a bh'ann an sin.