Microsoft Office 2013 ann an Gàidhlig

Pròiseactan mar Google in Your Language, an Uicipeid, Firefox, Thunderbird, Opera, LibreOffice/OpenOffice, phpBB, Scrabble is dearbhadairean / Projects like Google in Your Language, Wikipedia, Firefox, Thunderbird, Opera, LibreOffice/OpenOffice, phpBB, Scrabble and spell checkers
akerbeltz
Rianaire
Posts: 1781
Joined: Mon Nov 17, 2008 1:26 am
Language Level: Barail am broinn baraille
Corrections: Please don't analyse my Gaelic
Location: Glaschu
Contact:

Microsoft Office 2013 ann an Gàidhlig

Unread post by akerbeltz »

Ged a mholainn LibreOffice latha sam bith (tha e saor an-asgaidh, ann an Gàidhlig is tha dearbhair-litreachaidh Gàidhlig 'na bhroinn), tha fhios a'm gu bheil iomadh duine air Microsoft Office (fhathast). Tha sgioba de mhuncaidhean (mise os an cionn) air a bhith trang o shamhradh an-uiridh a' cur Gàidhlig air an rud agus rugadh e DiCiadain (cha do mhothaich mi dha ach an-diugh fhèin!)

Image

Bheil e cosg dad? Chan eil, ma tha ceadachas airson Office 2013 agad mu thràth. Bheil e doirbh? Chan eil cus. Sa chiad dol a-mach, feumaidh sibh a' phacaid cànain a gheibh sibh an-seo. Mur eil sibh cinnteach an e siostam 64-bit no 86-bit a th' agaibh, faighibh greim air an dà dhiubh, tha sin nas luaithe na rùrachadh air an t-siostam. Cha dèan am fear cearr cron air a' choimpiutair, cha bhi buaidh idir. Nuair a bhios e agaibh, briogaibh air an exe agus leanaibh ris an stiùireadh air an sgrìn.

Nise, feumaidh sibh prògram Office fhosgladh, can Word agus tadhal air Files » Options » Language agus dèanamh cinnteach gu bheil Gàidhlig aig barr na liosta mar a chomharraich mi leis an dà shaighead dhearg:

Image

Bidh agaibh ri Office a thòiseachadh as ùr an uairsin agus sin agaibh e. Cuiridh sin Gàidhlig air:
  • Excel 2013
  • OneNote 2013
  • Outlook 2013
  • PowerPoint 2013
  • Word 2013
Ma tha Office 365/SkyDrive agaibh san neul, tha Gàidhlig 'na bhroinn a-nis cuideachd ach chan eil feum air pacaid, cha leig sibh a leas ach Gàidhlig a thaghadh sna roghainnean ann.

An dòchas gun dèan e feum dhuibh!


GunChleoc
Rianaire
Posts: 4607
Joined: Mon Sep 17, 2007 11:26 am
Language Level: Mion-chùiseach
Corrections: Please correct my grammar
Location: Dùthaich mo chridhe
Contact:

Re: Microsoft Office 2013 ann an Gàidhlig

Unread post by GunChleoc »

Tapadh leat airson sùil a chumail air seo is an treòir!
Oileanach chànan chuthachail
Na dealbhan agam
Post Reply