Gàidhlig na h-Èirinn

Càil sam bith eile / Anything else
Zwalla28
Posts: 54
Joined: Thu Feb 14, 2013 12:45 am
Language Level: Tha mo ionnsachadh gun deireadh
Corrections: Please correct my grammar
Location: Canada
Contact:

Gàidhlig na h-Èirinn

Unread post by Zwalla28 »

Tha fhios gu bheil Gàidhlig na h-Alba 's Gàidhlig na h-Èirinn ceangailte gu math teann, agus a-nis leis mar a tha mo chuid Ghàidhlig aig ìre caran nas àirde, agus 's urrainn dhomh Gàidhlig a thuigsinn 's a bhruidhinn gun chus feuchainn, smaointich mi gum bu chòir dhomh cur romham Gàidhlig na h-Èirinn ionnsachadh. Leis an fhìrinn innse, cha bhithinn cho tùrsach ma nach deigheadh agam air bruidhinn an Gàidhlig na h-Èirinn gu math, ach bu toigh leam a bhith a' tuigsinn òran agus litreachais sa' chànan. Leis a sin, faighnichidh mi dhuibh, gu h-àraid ma tha Gàidhlig na h-Èirinn agaibh, dè seòrse rudan a tha as eadar-dhealaichte eadar an dà chainnt, gus fios fhaighainn, far am bu chòir dhomh bhith ag obrachadh a' chuid as motha dhen àm.

Tapadh leibhse.
Last edited by Zwalla28 on Thu Dec 11, 2014 7:28 pm, edited 1 time in total.


Bhiodh gaol agam oirbh gu bràth, ma cheartaicheadh sibh na mearachdan sa' phost os cionn!
Sgeul aigeantach mòr ri linn,
Gu'm bi neart, agus ceart, mar ri treòir,
Do'n fhear sheasas còir an rìgh.
GunChleoc
Rianaire
Posts: 4607
Joined: Mon Sep 17, 2007 11:26 am
Language Level: Mion-chùiseach
Corrections: Please correct my grammar
Location: Dùthaich mo chridhe
Contact:

Re: Gàidhlig na h-Èirinn

Unread post by GunChleoc »

Tha am fuaimneachadh beagan eadar-dhealaichte agus cruthan nan gnìomhan gu h-àraidh. Cuideachd, tha an dà chuid séimhiú is urú aca.

'S dòcha gum bi an duilleag seo feumail dhut: http://www.daltai.com/grammar/

Làrach a' Bheeb gus ionnsachadh: http://www.bbc.co.uk/northernireland/ir ... /learners/

Agus faclairean:

http://www.focal.ie/Home.aspx
http://www.irishdictionary.ie/home
http://www.focloir.ie/

Thoir an aire gu bheil trì dhualchainntean aca. Bidh cainnt Èireann a Tuath nas fhasa dhut na an tè taobh a deas.
Oileanach chànan chuthachail
Na dealbhan agam
Zwalla28
Posts: 54
Joined: Thu Feb 14, 2013 12:45 am
Language Level: Tha mo ionnsachadh gun deireadh
Corrections: Please correct my grammar
Location: Canada
Contact:

Re: Gàidhlig na h-Èirinn

Unread post by Zwalla28 »

Tapadh leat. A bheil seòrsa "Akerbeltz" aca ann an Gàidhlig na h-Èirinn, a mhinicheas am fuaimneachadh?
Bhiodh gaol agam oirbh gu bràth, ma cheartaicheadh sibh na mearachdan sa' phost os cionn!
Sgeul aigeantach mòr ri linn,
Gu'm bi neart, agus ceart, mar ri treòir,
Do'n fhear sheasas còir an rìgh.
akerbeltz
Rianaire
Posts: 1781
Joined: Mon Nov 17, 2008 1:26 am
Language Level: Barail am broinn baraille
Corrections: Please don't analyse my Gaelic
Location: Glaschu
Contact:

Re: Gàidhlig na h-Èirinn

Unread post by akerbeltz »

Chan eil cus nach eil aig amas air luchd-cànanachais. Mas e neach-cànanachais a th' annad, tha Córas Fuaimeanna na Gaeilge (Ó Siadhail) ann. Do dhaoine eile, chan fhaca mise ach Lárchanúint don Ghaeilge (Ó Baoill). Tha an leabhair eile aig Ó Siadhail, Learning Irish, meadhanach math air fuaimneachadh cuideachd.
Post Reply