Fòram na Gàidhlig

Tha gu leòr de dheasbad a' dol an-dràsta mu chor na Gàidhlig mar nach eil cus a' nochdadh air an t-seanal "Ghàidhlig" BBC Alba na làithean sa.

Ach, a bheil duine dhen aon bharail riumsa, gur e ainm an t-seanail a tha ag innse dhuinn carson nach eil uiread de Ghàidhlig ann 's a tha mòran againn ag iarraidh?

Dèanamaid coimeas ri ainm an t-seanail radio Radio nan Gàidheal. Ach chan e BBC nan Gàidheal a th' air an t-seanal Tbh. Nam b' e, nach biodh fada a bharrachd Gàidhlig ga cluinntinn ann?

'S ann bhon toiseach-tòiseachaidh a tha e mar sin. Fiù 's aig na chiad focus groups bhiodh iad a' bruidhinn air "reach", agus mar a dh'fheumadh iad a bhith tarraing luchd-coimhead gun Gàidhlig. Tha na fo-thiotalan "burnt in" air eagal nach biodh duine sam bith gan lorg fon putan dearg, agus luchd-coimhead air an call.

Chan e sianal nan Gaidheal a th' ann, no a bh' ann, no a bhios ann - 's e "sianal anns a' Ghàidhlig don duthaich a bh' ann, ach tha sin ag atharrachadh beag air bheag.