Fòram na Gàidhlig

Ok, seo dhuibh geama ùr... cuiridh mi (agus tha fàilte air feadhainn eile cuideachd) suas dealbh de shoidhne air a bheil mearachd no rudeigin neònach bho àm gu àm agus an uairsin, bidh cothrom againn beagan deasbaid a dhèanamh air puingean gràmair.

Seo dhuibh a chiad dhiubh:

Defense de se pencher dedans

Na rachaibh!

(Obh, carson nach rach? )

no, ma bhios tu nad bhalach ach tri bhliadhna deug a dh'aois, "Nach tèid mi thairis air an fheansa."

Cha tug mi dealbh, ach chunnaic mi "Sràid A' Mhàiri" anns a' Ghearsdan. Chan eil e ceart, a bheil?

There should be a dot after VDS.

Sa chiad dol a-mach, tha na faclan Gàidhlig ro bheag.

Tha feansa boireann, saoilidh gur e 'thairis air na feansa' as fheàrr.

Ach, mura robh iad ag obair bhon Bheurla, dè a theireadh iad?

A' chiad cheist a th' agam, 's e creag. Chan eil dad ceàrr leis ach saoilidh mi gur e 'creagan' a chanadh iad. Dè mu dheidhinn 'slèibhtean creagach' neo 'creagan cunnartach' neo 'creagan casa.'

Agus, 'na teid thairis air an fheansa' 's ann bho Bheurla a tha seo gu dìreach. Tha fhios nach eil 'na teid' ceart, gur e 'rach' an dreach imperative ach tha gnàth-cainnt ann a bhiodh freagarrach saoilidh mi: cha tèid do chas.

Seo a theirinn:

Creagan Cunnartach
Feansa tèarainnteachd. Cha teid do chas thall ann an sin.

Aidh, bhiodh eadar-theangachadh "saor" na b' fhearr fhathast. Ach air a' char as lugha, bu chòir na rach(aibh) no na theirig(ibh) a bhith ann.

Chan eil feum *air thairis air na feansa, chan e roimhear le ginideach a th' ann an thairis.

Chunna mi "Sràid A Mhàiri" cuideachd sa Ghearastan...

Tha barrachd dealbhan agam, na gabhaidh dragh

Uill, shaoil mi beagan a bharrachd air an t-soighne fad an latha agus thuirt mi rium fhìn, dè mur a robh na cànain eile ann, nan robh àite a bharrachd ann dhan Ghàidhlig agus mura robh mi a' toirt cus for do a bhith modhail, dè a theirinn? Uill, dè mu dheidhinn:

Hey, Amadain. Tha creagan cas mhairbhteach ud thall agus 's ann airson do mhaith fhèin a tha an fheansa-thèarainteachd sin ann. Ma thèid thu aon cheum thar na feansa sin, ma dh' fhaoidte gheibhear do gortachadh gu dubh neo fiù 's do mharbhadh. Agus bithinn ceart cho coma.

LOL drùidhteach ach caran ro risqué 's dòcha

Dè tha a' Bheurla a' ciallachadh? An e seòladh do Cliff cunnartach a th' ann? An urrainn do neach feansa a shìolachadh le rud sam bith?

"A Chliff chunnartaich, na sìolaich an fheansa!"

LOL chan e, chan e, 's e creag a th' ann, gu math follaiseach ma bhios tu air beulaibh na soidhne.

Ok, seo an ath fhear, aon dhen fheadhainn as fhearr leam thar gach dealbh eile... agus 20 puing dhan neach a thomhas càit a bheil e agus 50 puing ma thomhasas sibh dè cho fad 's a tha e air a bhith ann...



9 mearachdan air a' char as lugha (gun iomradh air na stràcan)

O thì tha mearachdan gu leòr. Agus a-rithist, dè tha a' Bheurla a' ciallachadh? 'S dòcha gu bheil loidhne à "Wimowe" ann (In the jungle, the mighty jungle, the lion sleeps tonight). Agus an robh na Frisealaich a' dèanamh sabaid anns na Chiltern Hundreds?

Dè "bas na beatha"? Tha e a' coimhead dhomhsa mar "the death of the life" ach chan eil mi a' tuigsinn sin.

Càit' a bheile? Dè cho fada? An ann ann an Abertawe a tha e, mar sanas mu dheidhinn làraidhean gu dol ann an sgìre taighean?

Chan ann, 's e sanas cuimhne a th' ann ann an gàrraidh cuimhne beag agus 's ann air a' Ghàidhealtachd a tha e ach chan fhaigh sibh leth-fhacal eile

Nam b' e the death of life a bha fa-near dhaibh, bu chòir bàs a' bheatha a bhith ann. Saoilidh mi gur e "death or life" a bha fa-near dhaibh. Air neo, death in her life... cò aig a tha fios leis an sgrìobhadh ùr...?