Bha APC airson a bhith an 'High Heid Yin' BnG

[Gràisg]

Chuir APC a-steach airson Ceannard Bòrd na Gàidhlig ach tha e a' gearain nach do fhuair e fiù 's agallamh. Sgrìobh e sa phàipear bheag (09/07/10):

Chuir mi fhìn a-steach airson na h-obrach, ged nach d'fhuair mi gu ìre agallaimh. Cha robh na sgilean agam, neo mar a chuir am Bòrd fhèin e ann am post-dealain thugam:
"Tha ma Pannal a-nis air beachdachadh air na tagraidhean air fad agus as dèidh measadh air an fhiosrachadh san iarrtas agad an aghaidh na slatan tomhais deatamach agus miannaichte a bha air an comharrachadh airson na dreuchd, tha mi duilich innse nach do shoirbhich leat airson a dhol adhart gu agallam..."

Thuirt e cuideachd: 'Rinn mi tagradh airson na h-obrach a dh'aindeoin gach teagamh bunaiteachd a th'agam mun chuango seo: bha mi an dòchas an cothrom fhaighinn atharrachadh on toabh a-staigh....'

Uill nach eil aig Ceannard chuango sam bith airson miann an riaghaltas a chuir air dòigh agus a thaobh BnG 's e am miann ud Plana 'Ginealach Ùr na Gàidhlig' (ceart no ceàrr a tha e)? Cha bhiodh cothrom air a bhith aig APC plana no gnìomh sam bith eile a chuir na àite. Mar sin ma tha APC airson cùisean atharrachadh b'fheàirrde leis a bhith feuchainn faighinn a-steach Taigh an Roid?

[GunChleoc]

Is dòcha gu bheil thu ceart agus seo an àite a bhiodh nas soirbealaiche dha. Chan eil e eagallach is bheir e a bheachdan seachad anns a h-uile doigh.

[Seonaidh]

...bheir e a bheachdan seachad anns a h-uile doigh

Uill, sin e, nach e? An e deagh bheachd a bhiodh faighinn neach fèin-rag-bharalach mar chathraiche BnaG?