Fòram na Gàidhlig

"Nas neònaiche agus nas neònaiche!" -- ghlaodh Ealasaid...

BBC an Là wrote:uisgeachan-iasgaich - seagrass

Chan eil fhios agam ciamar a bhios seo!
Canainn gu bheil "uisgeachan-iasgaich" a' ciallachadh fishing waters no rud coltach ri sin; ach seagrass...

Tha thu a' toirt iomradh air seo, saoilidh mi:

http://www.learngaelic.net/advanced/lganla/

(Nach toir thu ceanglaichean dhuinn ma bhios ceist mar seo ann? Tha sinn an-còmhnaidh feumach air co-theacsa. Bha agam ri lorg mi-fhìn!)

'S e mearachd a th' ann san liosta, ceart gu leòr, 's dòcha air adhbhar 's gun tug an neach-labhairt a leanas eiseimpleir de" beathaichean-mara" seach iomradh a thoirt air "uisgeachan-iasgaich" . Agus an deasaiche 's dòcha gun eòlas sam bith mu rudan mar "seagrass" sa Bheurla fhèin.

Mòran taing!
'S e an ceangal seo ceart gu dearbh; tha mi duilich nach tug mi e.
Agus tha mi fìor thoilichte nach eil "uisgeachan-iasgaich" a' ciallachadh "seagrass"!

Tha mi cha mhòr cinnteach gu bheil sibh ceart, gur e mearachd a th' ann ach dh'fhaoidte gum biodh e ciallachadh seagrass mas e /an/ a tha san deireadh seach /ən/, 's e sin diminutive ending seach plural. Leis a sin, uisge + each + an bhiodh watery one no rud mar sin air agus uisgeachan-iasgaich watery one of fishing. Bidh iasg òg 'gam falach ann agus tha ainmean lusan 's bheathaichean eile ann a tha air an dealbhadh air an aon alt - bogachan, caoibhneachan, lurachan ...

's dòcha gu bheil sin ceart, leis gu bheil ainmean lusan amsaa eadar-dhealaichte bho àite gu àite, bho dhualchainnt gu dualchainnt.

Ach anns a' cho-theacsa a th' ann, tha mise den bheachd gum biodh 'seagrass' ro shònraichte san t-seantans sin - chan eil mòran a' cuir ceist mu 'seagrass', seach mu èisg agus mun àrainneachd-mara san fharsaingeachd.

[Calum MacIlleathain – Neach-aithris] Tha mòran cuideachd air ceistean a thogail mun bhuaidh a dh’fhaodadh seo toirt air beathaichean-mara agus uisgeachan-iasgaich Linne Mhoireibh.

agus gu bheil e nas coltaiche gur e eiseimpleir a th' anns an 'seagrass' anns an earrann a leanas.:

[Pam Wells] We’ve got the impact on the seagrass colonies and seagrass is a huge, huge carbon store and twenty per cent of North European seagrass colonies are in Scottish waters and within the twenty metre depth that they plan putting in the turbines.

Àidh, tha thu gu tur ceart - cha robh mi ach a' beachdachadh air an fhacal e fhèin, theoretically speaking.

Seonaidh wrote:I guess. Anyway, to what extent can you match English word-group sayings with Gaelic word-group rote?

Missed one....

Agus dè a fhreagradh tu ris a' chèist sin? Chan eil fhios agam.

Bu toil leam (bha mi airson) fhaighinn a-mach dè tha na h-abairtean sònraichte a' ciallachadh, agus cha robh air sin ach sin, nach robh?

Ach bidh mi toilichte cluinntinn, ma dh'innseas duine beachd sam bith mu dheidhinn sin.

Agus dè tha seo?
BBC Alba Naidheachdan:

Thug Comhairle na Gàidhealtachd gealltanas seachad nach tèid duine fhuadach às an dachannan 'son co-dhuibh bliadhna ri linn "cis an t-seòmair-leapa".

Agus an-seo:

Tha co-dhuibh triùir a' fuireach ann an taighean HMO is iad a' roinn cidsin is taigh-beag.

Droch-litreachadh air co-dhiù/co-dhiubh

Shaoilinn gur e taidhpo dhe (o? airson?) co-dhiù=at least, mar a tha cis an àite cìs ann.

Tapadh leibh!
Bha amharas agam gun robh sin "co-dhiù", ach cha robh mi cinnteach idir.

akerbeltz wrote:Droch-litreachadh air co-dhiù/co-dhiubh

Cha chanainn gur e droch-litreachadh a th' ann... 's e litreachadh mì-GOCach a th' ann. Tha mi air éisteach fear no dhà a cuireas fhathast "w-glide diphthongisation" air an fhacal, an àite fuamraiche fada....

Cha b' e sin an duilgheadas ach ui an àite iu.

A bheil fhios aig duine mu tasg-lann sam bith do "Naidheachdan 11:00m"?
An urrainn dhomh tè sean a lorg, mar eisimpleir airson an-dè?