Fòram na Gàidhlig

Tha mi ag obair air pìos ùr airson Naidheachdan Pinc ach chan eil mi cinnteach ciamar a chuireas mi Gàidhlig air pàirt dhe.

Seo agaibh na th' agam sa Bheurla:

The Presbyterian Church (USA) has tapped a 13-member committee to investigate the place same-sex unions should have in Christianity and wider society and issue a report in 2010.

Agus seo na tha mi air sgrìobhadh sa Ghàidhlig:

Tha Eaglais Chlèireach nan Stàitean Aonaichte air comataidh ùr stèideachadh gus faighinn a-mach an àite a bu chòir a bhith aig aonaidhean aona-ghnèitheach taobh a-staigh Criosdaidheachd agus a' choimhearsnachd san fharsaingeachd.

Dè ur beachd? A bheil seo ceart gu leòr neo a bheil eadar-theangachadh nas fheàrr agaibh?

Uill, tha e a' sealltainn ceart gu leòr, ach chan eil mi a' tuigsinn "tapped".

Seonaidh wrote:Uill, tha e a' sealltainn ceart gu leòr, ach chan eil mi a' tuigsinn "tapped".

Tapadh leat. A-rèir coltas tha e a' ciallachadh:

http://www.answers.com/tap wrote:To select, as for membership in an organization; designate. See synonyms at appoint.

Tha Eaglais Chlèireach nan Stàitean Aonaichte air comataidh ùr stèideachadh gus faighinn a-mach an àite a bu chòir a bhith aig aonaidhean aona-ghnèitheach taobh a-staigh Criosdaidheachd agus a' choimhearsnachd san fharsaingeachd.

Mholainnsa atharrachadh beag no dhà:

Tha Eaglais Chlèireach nan Stàitean Aonaichte air comataidh ùr stèideachadh gus sgrùdadh a dhèanamh air dè an t-àite a bu chòir a bhith aig aonaidhean aona-ghnèitheach san Chrìosdaidheachd agus san choimhearsnachd san fharsaingeachd.

san Chrìosdaidheachd agus san choimhearsnachd

sa Chrìosdaidheachd agus sa choimhearsnachd

Mòran taing a Mhìcheil agus a Steafain. Tha seo fada nas fheàrr a-nis.