Deasg

Tha mi air geama eile eadar-theangachadh air ur son is seo an t-inneal Flare (Free/Libre Action Roleplaying Engine). Thathar ag ràdh tu bheil an geama coltach ri Diablo is ma chòrd seo ruibh, còrdaidh Flare dhuibh cuideachd.

Fhuair mi post-d o Mhuileach ag innse dhomh nach robh a h-uile ainm-àite mar bu chòir. Tha mi duilich mu seo is chuir mi gu ceart iad:

I got an e-mail from a Muileach telling me that not all placenames were correct. I apologise for that and I have corrected them:

Gorstan -> Goirstean
Loch Donn -> Loch Dona
An Salen -> Sàilean Ruadh Chaluim Chille

Eilean àlainn mo chridhe 's tu Muile mo ghràidh
An tìr tha fo choilltean le beanntan cur sgàil ...

Chaidh OpenTTD 1.3.3 fhoillseachadh an-diugh. 'S e geama saoghail mas-fhìor stèidhichte air Transport Tycoon Deluxe a th' anns an OpenTTD. Togaidh tu lìonra dhe sheirbheisean bus, trèana, luing is plèana. Faodaidh tu cluiche nad aonar no ann an lìonraidh no air loidhne. Tha iomadh tuilleadan ri làimh as urrainn dhut luchdadh a-nuas is cuid dhiubh air an eadar-theangachadh cuideachd.

Gheibh sibh an geama air an làrach-lìn aig OpenTTD is barrachd fiosrachaidh mun tionndadh Gàidhlig air a' bhòrd-bhrath againn.

Chaidh tionndadh ùr dhen gheama SuperTuxKart fhoillseachadh. Tha slighean, cartaichean is modhan geama ùra is air an leasachadh na chois cho math ri leasachaidhean air an eadar-aghaidh. Gheibh sibh barrachd fiosrachaidh mu na tha ùr air an làrach-lìn SuperTuxKart is stiùireadh air mar a chuireas sibh a' Ghàidhlig air air a' bhòrd-bhrath againn.