Deasg

Thug MacThòmais buaidh mhòr air saoghal cultarail na Gàidhlig, agus e gu mòr an sàs ann am foillseachadh sa chànan, bho stèidhich e an taigh-foillsichidh agus an iris ràitheil Gairm, còmhla ri Fionnlagh Dòmhnallach, ann an 1951.

Bha MacThòmais na fhear-deasachaidh air an iris suas gu 1964.

Sgrìobh e cuideachd A Companion to Gaelic Scotland, mar leabhar-iùil do shaoghal na Gàidhlig tro na linntean.

Tha Ealasaid Nic an t-Saoir air a taghadh gu h-aon-ghuthach le a co-oibrichean air a' Bhòrd airson dreuchd a' Chathraiche a lìonadh gus am bi neach-ionaid air a chur an dreuchd. Tha Iain Caimbeul air a thaghadh mar Iar-Chathraiche.
Thuirt Cathraiche eadar-amail Bhòrd na Gàidhlig, Ealasaid Nic an t-Saoir: "Tha sinn gu mòr a' caoidh gu bheil Art MacCarmaig air cur roimhe a dhreuchd fhàgail mar Chathraiche Bhòrd na Gàidhlig. On a chaidh fhastadh chun a' Bhùird ann an 2007, tha e air a bhith gun lagachadh na chuid dealais is diongmhaltais a thaobh leasachadh agus fàs air a' Ghàidhlig. Mar Chathraiche thar nan trì bliadhna mu dheireadh, tha e air a bhith a' giùlain eallach obrach fìor mhòr a' co-aontachadh obair làitheil le a dhreuchd aig Bòrd na Gàidhlig.

"Tha Art air a bhith aig teis-meadhain cruthachadh Plana Nàiseanta na Gàidhlig 2012 - 2017 agus tha e a' fàgail a' Bhùird le plana làidir a bhios a' treòrachadh sinn fhìn agus càch tro na còig bliadhna a tha romhainn. Às leth a' Bhùird, bu mhath leam gach soirbheachadh a ghuidhe dha san àm ri teachd. 'S e urram a th' ann dhòmhsa an dreuchd seo mar Chathraiche eadar-amail a ghabhail, agus tha mi fada an comain Iain Chaimbeul airson aontachadh taic a thoirt dhomh na dhreuchd mar Iar-Chathraiche. Gluaisidh am Bòrd air adhart a-nis a' coileanadh ar dleastanasan."

Le taic-airgid bho Bhòrd na Gàidhlig, tha Fèisean nan Gàidheal toilichte tachartas còmhnaidh a chumail anns Na Gearrannan, Eilean Leòdhais eadar 9 agus 14 Giblean 2012.

Bidh '5 Latha' a' toirt cothrom sònraichte do chlann a tha san àrd-sgoil, agus a tha fileanta sa Ghàidhlig, ionnsachadh mu obraichean traidiseanta a bha, agus a tha, cudromach ann am beatha nan Gàidheal mar croitearachd, iasgach agus an Clò Hearach a bharrachd air oideachadh ciùil is òrain agus sgilean còcaireachd.

Rè na seachdain, bidh com-pàirtichean a' fuireach ann an coimhearsnachd Gàidhlig far am bheil na h-obraichean seo fhathast nam pàirt chudromach de bheatha muinntir na sgìre. Gach latha bidh am buidheann a' tadhal air daoine aig a bheil sàr eòlas air an obair aca, agus a bheireadh cothrom do chom-pàirtichean ionnsachadh fhaighinn air na h-obraichean seo eadar a' coimhead an dèidh caoraich aig àm breith nan uan, buain na mònadh, obair a' bhradain, trusadh maorach agus obair leis a Chlò Hearach bho snàth gu seacaid. Bidh taisbeanaidhean bìdhe gan toirt seachad gach latha le cothrom ionnsachadh sgilean còcaireachd agus biadh traidiseanta a' dhèanamh le grìtheidean na sgìre.

Ged nach fheum comas ciùil a bhith aig com-pàirtichean airson 5 Latha a fhrithealadh, bidh sinn a' tabhann cothroman sònraichte ceòl is òrain ionnsachadh bho shàr luchd-ciùil na Gàidhlig cuideachd nam measg Norrie MacIomhair (Seinneadair Gàidhlig na bliadhna) bhon chòmhlan Mànran.

Dèigheil air ceòl? Òran annad a tha dìreach air bàrr do bhilean? Eil beagan spionnaidh a dhìth ort airson tòiseachadh air d' òrain fhèin a sgrìobhadh oir neo gleans a chur air na fuinn 's na briathran agad? Tha Fèisean nan Gàidheal agus Stiùidio Clàraidh Watercolour a' tabhann cothrom do shianar òganach le Gàidhlig agus aois 16-25, ceithir latha a chur seachad a' dèanamh an dearbh rud sin.