Eadar-theangachadh a dhìth orm

[Gràisg]

A chàirdean,
Tha mi nam bhall de bhuideann ann an Inbhir Narann a tha am impis làrach lìos a chur air bhog. Bidh seo an dàrna fear sa bhaile seo agus fhuair mi aonta gus soidhne dà-chananach a chuir air an turas seo. A-nis, airson 'Nairn Allotment Society - MIll Road site' an dèan na leanas a' ghnothach?
Comann nan Lios Inbhir Narann - Ionad Rathad a' Mhullein

[Níall Beag]

Tha ionad a' faireachdan beagan neònach dhomh (oirm?), air sgàths gu bheil e air móran toglaichean mar "centre" agus air sraidean mar "place". Ma eadar-theangachas mi "Ionad Rathad a' Mhuilean" gu Beurla, 's e "Mill Road Place" no "Mill Road Centre" a bhiodh agam.

Dé mu dheidhinn "àrainn", facal a tha air "campuses" SMO?

Agus 's e "garden" a th' air "lios" -- it the circumstances, you would want a more specific term. Tha "cuibhreann" ann an Dwelly, ach dé am facal a bhios iad a clachdadh airson nan "potato patches" anns na maichrichean?

[akerbeltz]

Chan eil càil cearr air "cuibhreann" san t-seagh seo. Chan eil "àrainn" a' gabhail a-steach aiteachas, gu mì-fhortanach.

Ma-thà, Comann Cuibhreannan Inbhir Narann - Làrach Rathad a' Mhuilinn?

[Gràisg]

TL Akerbeltz, tha Comann nan Lios ann mu thràth ann an Inbhir Nis ach 's toil leim Comann Cuibhreannan agus cha robh mi cinnteach mu dheidhinn 'làrach' sa chiad dol a-mach. Bhiodh sin taghta, cuiridh mi dealbh an àirde nuair a thig a hi-uile càil gu buil.

[akerbeltz]

Sdbh. Dhèanadh "raon" a' chùis cuideachd - bheil còd puist agad son an àite? 'S dòcha gu bheil rudeigin nas fhearr ann.

[Gràisg]

Bhuail e orm gu h-obann
Dìreach taobh thall an rathaid bhon làrach gheibhear an soidhne a tha seo. A-rèir coltais nochd e nuair a chaidh taigh a thogail faisg air làimh sna leth-ceudan.
Gu ruige seo cha do thachair mi air duine sam bith le eòlas minideach air a shon. Thuirt cuideigin rium gur e seann seann chladh a bh'anns an làrach againn (tha cladh nas òige ri a thaobh). 'S ann ri taobh na h-aibhne a tha seo agus a-rèir cuid san t-seann aimsir chaidh grunn den cuirp leis an abhainn. Làrach Tobar Loch na Spioraid? Bhiodh agam a' dol air ais dhan chomitaidh. Ainm beurla agus ruideigin gu tur diofraichte sa Ghàidhlig? Chì sinn dè thachras.


blogging261 by gurnnurn.com pictures, on Flickr

[akerbeltz]

Mo chreach

[GunChleoc]

Is toil leam e. Tha e nas inntinniche na Mill Road!

[akerbeltz]

Cha toigh leam-sa ... tha seo do-chreidsinneach, bu chòir dhuinn litir a sgrìobhadh gun chomhairle...

[GunChleoc]

Uill is toil leam an ainm. 'S e ceist eile a th' ann co-dhiù a bheil e freagarrach rudeigin ùr a thogail air seann chladh.

[akerbeltz]

Ach chan eil mearachd litreachaidh sam bith air an t-soidhne

[Thrissel]

Ach chan eil mearachd litreachaidh sam bith air an t-soidhne

An e ceist a tha ann? Oir tha Watson agus Mark ag ràdh gur ann fireannach a tha spiorad, 's mar sin bu chòir dha a bhith 'tobar loch an spioraid' no 'tobar loch nan spiorad(an?)'

[akerbeltz]

LOL deagh phuing, feumaidh mi aideachadh nach do mhothaich mi dha. Aidh, 's e facal fireann a th' ann (cf an ainm an athar, a' mhic agus an spioraid naoimh...). Ok tha mearachd air, tha mi faireachdainn nas fhearr a-nis!